Skënderbeu bën të vogël Partizanin. Në “Elbasan Arena”, të kuqtë e Dajës munden 1-0 nga korçarët që arrijnë fitoren më të bukur të këtij sezoni falë një goli të Jean Victor (67′), i pari për të në Superiore, që gjunjëzoi kryeqytetasit që në garën për titullin humbasin tashmë një bonus të jashtëzakonshëm.
Skënderbeu goditi edhe traversën me Berishën.
E treta ndeshje pa fitore për Partizanin, që ndaj dy ekipeve të fundtabelës dhe Apolonisë dhe Skënderbeut ka marrë në total, vetëm një pikë.
Për Migen Memellin kjo ishte fitorja e parë në krye të Skënderbeut, që me këtë sukses u ngjit në vendin e parafundit me 16 pikë, duke lënë pas Apoloninë, ndërkohë që Partizani mbeti në vendin e 4-t edhe pas javës së 23-të me 39 pikë.
