Shifra rekord infektimesh në Greqi, në 24 orët e fundit regjistrohen më shumë se 3500 raste të reja me COVID

Greqia ka regjistruar shifra rekord të infektuarish në 24 orët e fundit, pasi 3565 persona kanë rezultuar pozitiv në testin e COVID.

Ndërkohë 9 persona kanë ndërruar jetë, duke e çuar në 12.867 numrin e viktimave që nga fillimi i pandemisë.

Kritike mbetet situata edhe në spitale, pasi 121 persona janë në intubim, mosha mesatare e të cilëve është 66 vjeç.