![](https://horoscope-albania.com/wp-content/uploads/2021/03/ramush-haradinaj_albin-kurti-750x450-1.jpg)
Anëtari i AAK-së dhe zëvendësministri në detyrë i Punëve të Jashtme, Gani Dreshaj ka thënë se kreu i kësaj partie Ramush Haradinaj duhet të jetë president i Kosovës.
Ai shtoi se Haradinaj e ka hapur derën në çdo shtëpi të Kosovës.
“Nuk është mirë që ne që jemi afër tij, shokët e tij, të ia prishim punën Ramushit. Por, nëse dikush mendon se do ta shohin duke u rrënuar Ramushin, e kanë gabim, se nuk do ta lejojmë. Ramushi nuk luan me hile. Është lutje që po ia bëjë Albinit si vëlla, si politikan, si njeri që është sakrifikuar. Nëse e ka sinqerisht Albini, atëherë atë e lidhë gjithçka me Ramushin”, tha Dreshaj në RTK.
Dreshaj tha se Kurti si fitues i zgjedhjeve duhet të dalë e të shkojë te shtëpia e Haradinajt, Veselit, Thaçit, Krasniqit, Selimit.
“Albini duhet t’ua di hallin atyre njerëzve, sepse është zgjedhur me votat e 50 për qind të shqiptarëve”, shtoi ai