Aventura apo çlodhje në luks, zbuloni cilat janë pushimet ideale për ju sipas shenjës që keni në zodiak.
Dashi: Aventura në Nepal. Duke qenë shenja më e pavarur dhe më aventurierë e zodiakut, dashi nuk kënaqet thjesht duke pushuar nëpër qytete të njohura. Energjia e tyre mund të përmbushet duke vizituar tempuj, male e duke ecur pa menduar në Nepalin magjik.
Demi: Pushime luksoze në Marakesh. Që demat adhurojnë luksin dhe rehatinë,, ky nuk është një sekret. Këtë vit, Maroku e më saktësisht Marakeshi me restorantet e mrekullueshme, dyqanet luksoze dhe historinë e tij, do t’i përmbushte plotësisht.
Binjakët: Shkëputje nga rutina në Kaliforni. A mund të bësh pushime në një mjedis urban? Sigurisht që po, e për më tepër binjakët që kanë shumë gjallëri dhe mërziten nga rutina. Kalifornia është destinacioni ideal për këta shpirtra kureshtarë që kanë gjithë kohës nevojë për informacion.
Gaforrja. Të jetosh ‘’Bella vita-n’’ në Napoli. Duke qenë të lidhur me traditat e zakonet, për gaforret destinacioni ideal i pushimeve për 2024-ën, është Napoli.
Luani: Dashuri në plazh në Ibiza. Shenja e zjarrit, më glamur e zodiakut adhuron vendet ku ka gjithë kohës festë e shumë njerëz. Ibiza bohemiane, chic dhe gjithë drita është fiks për ta.
Virgjëresha: Në gjurmët e Majave në Tulum. Meksika është një shtet magjik, me plazhe e qytete piktoreske. Vetëm se për më shumë histori e kulturë, destinacioni ideal për virgjëreshat është Tulumi.
Peshorja: Të adhurosh natyrën në Panama. Ky vend lidh oqeanet dhe është një destinacion ekzotik që mund të përmbushë më së miri dëshirat e peshoreve.
Akrepi: Pushime ëndrrash në Cap-Vert, Afrikë Perëndimore. Ky ishull paradiziak është shëruesi më i mirë i nervozizmit dhe stresit të përditshëm. Sapo të shkelin në të, akrepat do ndihen sikur kanë rilindur.
Shigjetari: Ekzotizëm në Shangai. Kultura fantastike, zhvillimi, por edhe ruajtja e traditave do mahnitin shigjetarët që janë gjithë kohës në kërkim të botës së re dhe ndjesive të veçanta.
Bricjapi: Tangoja e fundit në Buenos Aires. Ky është një prej qyteteve më të bukur të botës dhe ideal për bricjapët seriozë që duan të pushojnë e të kënaqen në një ambient plot gjallëri.
Ujori: Shkëputje totale në Ishullin e Pashkëve. Shpeshherë ujorët duan të largohen nga çdo gjë dhe ky ishull është ideali për nevojat e tre. Përveçse i mrekullueshëm, në ishullin e Pashkëve mund të izolohesh nga civilizimi e mund të eksplorosh misteret e shumta.
Peshqit: Zhytje në Stambollin eklektik e të mrekullueshëm. Duke pasur energji sa kaotike aq edhe frymëzuese, peshqit do ndihen më së miri në Stamboll, i cili është sa në lindje aq edhe në perëndim. Në të ka aq shumë mundësi dhe vende saqë nuk mund të mërzitesh kurrë.
