“Porti i Durrësit në shërbim të Kosovës”, kështu ka shkruar në një postim në faqen zyrtare në Facebook, Autoriteti Portual në Durrës, ndërsa i referohet disa ngarkesave që kanë si destinacion final Kosovën.
Postimi i plotë:
90 copë Gjeneratorë ere kanë mbërritur në Portin e Durrësit me anijen tregtare “Chipol Baon”, akostuar në kalatën 10 që prej së shtunës. Ngarkesa e veçantë ka si destinacion final Kosovën, ndërsa port nisje kryeqytetin e Liberisë, Monrovinë. Gjeneratorët e erës me një peshë totale prej 2,558 tonë, pas përfundimit të procesit të shkarkimit, do të vijojnë transportin me kamionë të ngarkesave të veçanta transit drejt Kosovës.
