Gjykata e Peshkopisë ka dhënë masën e sigurisë për Florian Tonuzi, i akuzuar për vrasjen me thikë të vëllait të tij më të vogël në rrethanat ende të paqarta.
Gjykata vendosi masën e sigurisë “arrest me burg” ndaj 26 vjeçarit, i cili mbrëmjen e 29 prillit, qëlloi me thikë vëllain e tij, Benard Tonuzi, i cili humbi jetën pak orë më vonë.
Në seancë, 26 vjeçari ka deklaruar nuk mbante mend asgjë çfarë kishte ndodhur atë natë.
Ai u arrestua një ditë më vonë nga policia në fshatin ku jetonin, ndërsa familja kryente ceremoninë mortore për djalin e tyre më të ri.
Forcat e Ndërhyrjes së Shpejtë arritën ta arrestonin ku ishte fshehur në një kanal në fshatin Kurbeg.
