Një tërmet i fuqishëm me magnitudë 7.1 ka goditur Japoninë ditën e sotme.
Tërmeti është ndjerë më i fortë në prefekturat e Miyagi dhe Fukushimës, ndërkohë që autoritetet nuk kanë dhënë paralajmërim për tsunami.
Sidoqoftë, si një masë paraprake ata u kanë bërë thirrje banorëve që jetojnë afër bregdetit që të lëvizin në toka më të larta, pasi lëkundjet mund të vijojnë.
Në Fukushima ndodhet edhe centrali bërthamor nr.1, por deri më tani në strukturë nuk është raportuar për ndonjë anomali.
