Komisioni Hetimor po mban mbledhjen e rradhës për hetimin e shkeljeve të presidentit Ilir Meta para dhe gjatë zgjedhjeve, të pretenduara nga Partia Socialiste.
Gjatë mbledhjes Komisioni Hetimor ka zgjedhur për të hetuar disa kronika me deklaratat e presidentit Meta.
Në kronikat që po paraqiten bën pjesë dhe përplasja e presidentit me policët bashkiakë në zyrat e FRD, si dhe intervista apo deklarata ku presidenti Meta iu bën thirrje qytetarëve për të mbrojtur votën në çdo formë në zgjedhjet e 25 prillit.
“Do të ftoja secilin nga anëtarët që të njihet me gjithë volumin e pamjeve.
Administrata teknike do të përpiqet që të përzgjedhë pamje që paraqesin raste të caktuara për të mos bërë përsëritje, pra aq sa është e mundur, për të mos dhënë të njëjtat deklarata pavarësisht se në media të ndryshme.
Por e rëndësishme është që për t’iu referuar të gjitha atyre që ngrihen në shqetësimin e 49 deputetëve apo të tjera që mund të vijnë nga institucionet” u shpreh Hyseni.
Ndërkohë Klotilda Bushka bëri me dije se krahas videove të deklaratave nga presidenca apo gjatë intervistave , do të hetohen dhe postimet e publikuara
