Sherr me thika mes vajzave të mitura në Athinë, debatuan për të dashurit, arrestohet 15-vjeçarja shqiptare

Një sherr i rrallë mes shtatë vajzash të mitura ka ndodhur në qendër të Athinës. Vajzat kishin një takim dhe më pas debatuan për të dashurit ku sherri ka degraduar në përdorimin e thikave.

Mes vajzave ka qenë dhe një 15-vjeçare shqiptare e cila ka plagosur dy të mitura me thikë dhe është arrestuar nga Policia, raporton korrespodentja Ira Londo për BalkanWeb.

Një prej të plagosurave është në gjendje të rëndë dhe u dërgua në kirurgji për operacion.