Qeveria e Kosovës në mbledhjen e mbajtur sot ka miratuar projektligjin për themelimin e Gjykatës Komerciale.
Ministrja e Drejtësisë, Albulena Haxhiu ka ftuar për aprovimin e këtij projektligji i cili kaloi me shumicë votash.
“Sot para jush paraqes projektligjin për themelimin e Gjykatës Komerciale, duke pasur parasysh vështirësitë e trajtimit të lëndëve komerciale nga gjykatat themelore ka stërzgjatur kontestet komerciale”, tha Haxhiu.
Më tej ajo shtoi se themelimi i kësaj gjykate do të mundësojë krijim të vendeve të reja të punës.
