Gjatë muajit maj, shumë planetë do të jenë në pozicione dhe aspekte jo fort të favorshme, gjë që mund të sjellë konflikte dhe keqkuptime. Ne nuk mund të ndikojnë në zhvendosjet e tyre, por duke njohur datat më të “rrezikshme”, mund të bëjmë çmos për të mbajtur larg negativitetin. Sipas astrologëve, këto janë ditët kur duhet të keni më shumë kujdes gjatë majit:
10 maj – Mërkuri në prapavijë
Në këtë datë, duhet të jemi shumë të kujdesshëm sidomos në marrëdhëniet me njerëzit të cilëve u besojmë. Lëvizja retrograde e planetit do të zgjasë deri më 3 qershor, por rrezikun më të madh do ta sjellë vetëm në fillim.
16 maj – Eklips total hënor
Eklipsi i parë hënor në vitin 2023 është në shenjën e Akrepit. Hëna do të shkojë pothuajse plotësisht në hijen e Tokës dhe sfera e parë që do të goditet do të jenë marrëdhëniet dhe miqësitë. Gjetja e gjuhës së përbashkët me njerëzit e dashur do të duket si një detyrë e pazgjidhshme. Astrologët këshillojnë të tregoni kujdes me xhelozinë dhe dhe ndjenjën e zilisë.
18 maj – Lidhja e Marsit dhe Neptunit
Kini kujdes nga njerëzit të cilëve u besoni të mos ju mashtrojnë dhe tregohuni jashtëzakonisht të kujdesshëm me paratë.
21 maj – Dita e lidhjes së Diellit dhe Mërkurit
Kjo do të jetë lidhja e brendshme e Diellit dhe Mërkurit. Në këtë ditë, të gjithë ata që janë të papërgjegjshëm dhe joseriozë do të përballen me telashe të mëdha.
23 maj – Mërkuri hyn te demi
Ky tranzicion do të ndodhë në kulmin e lëvizjes retrograde të planetit. Deri më 12 qershor, astrologët rekomandojnë që të mos rrezikoni. Këshillohet që këtë ditë të mos filloni biznes të ri dhe të mos firmosni letra. Planeti do të humbasë pjesën më të madhe të energjisë së tij pozitive, ndaj ndryshime në plane dhe telashe të vogla janë të mundshme në të gjitha sferat e jetës.
29 maj – Marsi në lidhje me Jupiterin
Marsi dhe Jupiteri do të takohen te Dashi. Kjo lidhje do të jetë jashtëzakonisht e rrezikshme për aspektet e komunikimit dhe punës. Marsi do të na bëjë tepër të sigurt dhe pa kompromis dhe Jupiteri do të bëjë që shumë prej nesh të përpiqemi të përfitojmë nga të tjerët. Konfliktet mund të jenë shumë të pranishme, prandaj bëni shumë kujdes me fjalët që zgjidhni dhe veprimet tuaja.
