Nikolla Gruevski bëhet biznesmen, regjistron kompani në Hungari

Ish kryeministri i Maqedonisë së Veriut, Nikolla Gruevski prej tre vitesh në arrati është bërë tashmë biznesmen.

Në një artikull kushtuar Gruevskit, Deutsche Welle shkruan se ai ka regjistruar një kompani me aktivitet të gjerë biznesi në Pecel, qytet i vogël pranë Budapestit.

Ndërkohë pasi Hungaria refuzoi ekstradimin e tij në Maqedoninë e Veriut, ku kërkohet për vuajtjen dënimit me burg dhe për gjykim në disa lëndë penale, ish kryeministri Gruevski tani po hap mundësi të reja karriere.