Kryeministri i Maqedonisë së Veriut, Zoran Zaev, këtë të premte ka deklaruar se do të regjistrojnë të gjithë shtetasit brenda dhe jashtë vendit.
Zaev është përgjigjur në pyetje të gazetarëve në lidhje me deklaratën e Hrisitjan Mickoskit se diaspora do të evidentohet dhe jo të regjistrohet, ai tha se nuk është mirë që diaspora të na nevojitet vetëm kur na duhen vota dhe për të na çuar para.
“Diaspora është populli jonë, sot ndodhet jashtë nesër do të jetë këtu. Ndoshta ndonjë nga ne do të dalë jashtë, ndërsa diaspora do të jetë këtu. Ne e regjistrojmë gjithë popullin tonë pavarësisht nëse ndodhet brenda ose jashtë”, tha Zaev.
Gjithashtu ai ka bërë thirrje qytetarëve që të regjistrohet për shkak se është e rëndësishme për vendin.
Mund të ketë raste teknike gjatë vendosjes së numrave amë, por, shton Zaev, ato duhet të paraqiten në mënyrë që të vazhdojë regjistrimi pa pengesë.
