DASHI
Sado që yjet t’iu nxitin drejt dialogut ju serish nuk do e përmbani veten dhe mund të bëni gabime. Ju të dashuruarit do jeni tej mase xhelozë për partnerin tuaj dhe nuk e lini asnjë moment të lirë. Kujdes sepse kjo gjë mund ta mërzitë atë dhe mund ta largoje akoma më tepër. Ju beqarët do bëni mirë të mos nxitoheni për asgjë sepse mundësitë më të mira do iu jepen pas disa ditëve. Në punë nuk do jeni shumë profesionistë dhe gjërat nuk do ju ecin ashtu si i kishit menduar. Për t’ua dalë duhet edhe më shumë përpjekje dhe vendosmëri. Buxhetin për fat do dini si ta menaxhoni gjithë kohës dhe gjendja ka për të mbetur e kënaqshme.
DEMI
Hëna do ju ndihmojë tej mase sot. Do jeni më të logjikshëm, më të lidhur me të tjerët dhe më të duruar. Ju që jeni në një lidhje do merrni vendime shumë të rëndësishme. Një etape e re do fillojë për ju dhe më në fund do ndiheni të plotësuar dhe të gëzuar. Ju beqarët nuk duhet të fiksoheni tek pamja e dikujt sepse më i rëndësishëm se ajo është shpirti. Në punë nuk do keni aspak vështirësi përkundrazi do arrini të shlyeni borxhet dhe të hiqni edhe para mënjanë për të ardhmen. Sipas Horoscope buxheti ka për të pasur goxha tronditje pasi ju nuk do arrini dot t’iu vini fre shpenzimeve.
BINJAKËT
Jeta sentimentale do ndikojë shumë sot në çdo plan. Sa më e kënaqshme të jetë ajo aq më mirë do ju ecin gjërat. Për ju të dashuruarit e sotmja do jetë pozitive. Do i arrini të gjitha objektivat që do i vini vetes dhe do ndiheni krenarë. Pasdite përgatituni për ndonjë surprizë nga partneri. Ju beqarët do keni disa takime, por më mirë të mos nxitoheni për t’i dhënë fjalën dikujt. Në punë nuk do kënaqeni me rezultatet që do arrini dhe mund të qëndroni orë shtesë për të bërë më të mirën e mundshme. Mos e teproni me lodhjen sepse keni për të pasur probleme me pas. Në planin financiar do e keni më të qarte situatën në të cilën ndodheni dhe do hidhni hapat e duhura për ta përmirësuar më tepër.
GAFORRJA
Gjatë kësaj dite mirë është që para çdo hapi të mendoheni mirë se ku doni të shkoni. Nëse keni një lidhje ka rrezik që të fillojnë debate të forta mes jush dhe atij që keni në krah për disa çështje shumë delikate. Tregohuni më diplomate dhe matini fjalët nëse nuk doni probleme serioze. Për ju beqarët do fillojë një dashuri e madhe dhe tejet emocionuese. Në punë do jeni krenarë dhe do ju duket sikur dini gjithçka. Nuk do pranoni këshilla nga kolegët dhe në fakt do bëni shumë gabime. Kthehuni sa më parë me këmbë në tokë. Shpenzimet kryejini pasi t’i keni bërë mirë llogaritë. Në këtë mënyrë do shmangni çdo të papritur të pakëndshme.
LUANI
Dielli dhe Marsi do ju ndihmojnë sot të gjeni zgjidhje për çdo gjë dhe do ndiheni më të qetë. Nëse keni një lidhje të qëndrueshme edhe kjo ditë do jetë e mirë dhe pa probleme. Nuk do keni asgjë për çfarë të qaheni dhe mund të merrni disa vendime të rëndësishme. Ju beqarët nuk do jeni gati për aventura kalimtare dhe do preferoni të prisni edhe pak derisa të gjeni dashurinë e madhe. Në punë do i bëni gjërat me shumë pasion dhe askush nuk do ua kalojë dot. Disa kolegë do ju marrin si shembull. Yjet do ndikojnë goxha pozitivisht tek financat kështu që gjendja do jetë gjithë kohës e mirë.
VIRGJËRESHA
Gjate kësaj dite jo vetëm do keni ide të mira, por do dini t’i vini ato në veprim. Për ju të dashuruarit e sotmja pritet të jetë e shkëlqyer. Do ndiheni aq mirë pranë partnerit saqë do falënderoni yjet për këtë dhurate që iu kanë bërë. Ju beqarët mund të filloni të pëlqeni persona të ardhur nga jashtë dhe që kanë tjetër pikëpamje për jetën. Në punë do ju realizohet më në fund një nga projektet e mëdha që e keni ëndërruar prej kohësh. Shumë gjëra për ju do jenë më ndryshe tani. Buxhetin do dini ta organizoni me kujdes dhe do e mbani situatën nën kontroll.
PESHORJA
Mërkuri do ua vërë më në pah gabimet e bëra sot dhe në momente të caktuara do jeni më të vetëdijshëm për ato që keni bërë. Për ju të dashuruarit e sotmja do fillojë qetësisht, por pas mesdite situata do nxehet, pasioni do shtohet dhe emocionet do bëhen të paimagjinueshme. Shfrytëzojeni çdo sekondë deri në maksimum. Ju beqarët më mirë t’i merrni gjërat shtruar dhe të mos kërkoni me ngulm një person për ta pasur pranë. Në punë do arrini të rikuperoni kohën e humbur dhe më në fund do arrini atje ku e kishit planifikuar. Në fakt pa ndihmën e kolegëve do kishit mbetur në vend. Sipas Horoscope , në planin financiar do ju duhet maturi dhe përkujdes maksimal.
AKREPI
Imagjinata juaj e zhvilluar do bëjë që sot gjërat t’iu ecin më së miri. Do i keni mendimet e ndriçuara. Nëse keni një lidhje, sado që t’iu joshin dhe t’iu bëjnë propozime interesante, nuk do tundoheni aspak dhe as që do ju shkojë ndër mend ta tradhtoni partnerin. Ju beqarët do ndihen gati për të bërë ndryshime në jetën tuaj dhe do i pranoni disa ftesa që do iu bëhen. Në punë do arrini shumë lart dhe nuk do ju trembin aspak të papriturat. Ju jeni mësuar me sfida dhe do i kaloni ato si gjithë të tjerat. Në planin financiar, sido që të jete situata, nuk keni për të pasur probleme apo vështirësi sepse do dini si të menaxhoni gjithçka.
SHIGJETARI
Kërkimi me ngulm i pavarësisë dhe lirisë absolute mund t’iu çojë drejt gabimeve sot. Më mirë merrini gjërat si t’iu vijnë. Paqja, begatia dhe harmonia do mbizotërojnë për ju të dashuruarit. Do ndiheni për mrekulli pranë partnerit tuaj dhe zemra do rrahë fort sa herë të ndodheni pranë tij. Ju beqarët nuk do jeni të privilegjuar në sektorin e dashurisë kështu që do ju duhet ende të prisni për ndryshimet e ëndërruara. Në punë do keni shumë dhunti dhe do arrini gjithçka që i keni vënë qëllim vetes. Buxheti nuk do jetë i keq, por ai mund të përmirësohet tej mase nëse shfrytëzoni mundësitë dhe pranoni propozimet për punë.
BRICJAPI
Bëjini gjërat si t’i mendoni gjatë kësaj dite dhe mos u sforconi të ndryshoni asgjë. Nëse keni një lidhje, jeta juaj sentimentale ka për të qenë rutine dhe në shumë momente do mërziteni. Nëse nuk bëni diçka për ta ndryshuar situatën gjërat do përkeqësohen më vonë. Ju beqarët do jeni më të hapur dhe do realizoni takime pafund. Mendohuni mirë para se të vendosni se me cilin do vazhdoni më tej. Në punë, sado që të mos jeni të përqendruar tek detyrat që iu janë dhënë, yjet do bëjnë që gjërat t’iu ecin mirë. Buxheti mund të ketë disa probleme të vogla për shkak se do ju duhet të kryeni më tepër shpenzime për shtëpinë apo diçka tjetër me rëndësi.
UJORI
Sot do jeni më të vendosur dhe do ju shkoni deri në fund objektivave që i kishit vënë vetes. Nëse keni një lidhje jeta juaj në çift do jetë e mrekullueshme. Do kaloni momente të jashtëzakonshme me partnerin dhe të gjithë do ju kenë zili. Buzëqeshja dhe gëzimi nuk do ju largohet asnjë çast nga fytyra. Ju beqarët nuk do doni ta ndryshoni statusin e tuaj pasi edhe ashtu si jeni ndihen të plotësuar. Në punë mundohuni të bëni një bilanc të gjithckaje dhe shihni gjërat që duhet të ndreqni. Buxhetin do dini si ta menaxhoni me përpikmeri dhe asnjë moment nuk do keni tronditje.
PESHQIT
Gjatë kësaj dite keni për të pasur më shumë fat në çdo plan dhe do ju duket sikur yjet po ju mbajnë me hatër. Për ju të dashuruarit e sotmja do jetë jashtëzakonisht e favorshme. Do kaloni plot çaste të ngrohta me atë që keni në krah, do bashkëpunoni për çdo gjë dhe do gjeni mirëkuptim për gjithçka. Ju beqarët do keni një takim të papritur, por vendimtar. Në punë do ndërmerrni iniciativa të reja dhe do i bëni shefat krenarë që ju kanë në stafin e tyre. Gjendja financiare do jetë goxha më e mirë sepse për çdo hap që do hidhni do jeni të përgjegjshëm.
