E dije që ka një ditë specifike që konsiderohet si ajo me më shumë fat? Sipas astrologut Kyle Thomas, 18 maji do jetë dita më me fat e vitit sipas astrologjisë.
Arsyeja është fakti se yjet do jenë të renditur më bukur se çdo ditë tjetër në 2024-ën. “Fati, mrekullitë, bekimet, zbulimet dhe lajmet e mira mund të vijnë pikërisht në atë datë”, deklaron Thomas për People.
Prej renditjes së yjeve, Dielli dhe Jupiteri do jenë në një linjë, fenomen ky shumë i rrallë, që i jep ditës prekjen magjike, pasi renditja në linjë e tyre ndodh vetëm 1 herë në vit. Vendosja e yjeve në radhë që në kohët e lashta është cilësuar si një fenomen i mrekullueshëm.
Çfarë do të ndodhë saktësisht me shenjën tënde?
Dashi
Kjo ditë u kushtohet parave, i dashur Dash! Rekomandohet që të bëj veprime të rëndësishme që lidhen me financat në këtë ditë, në mënyrë që ta shfrytëzosh sa më mirë këtë ditë. Do të gjesh mënyra të reja për të shitur, blerë ose investuar paratë.
Demi
Ti je me fat në të gjitha mënyrat gjatë kësaj dite Dem. Krijo një listë dëshirash, vizualizoji dhe shikoji teksa realizohen. Fokusohu te dëshira që ke për lumturi dhe përmbushje, ndërsa shpërblehesh për punën e madhe që ke bërë gjatë gjithë kësaj kohe.
Binjakët
Ndiq zemrën tënde! Kjo ditë përqendrohet te kreativiteti dhe aftësitë e tua fizike, duke parë të gjithë shenjat që të jep universi. Ti ke në dorë një fuqi të madhe, ndaj shfrytëzoje maksimalisht gjatë kësaj dite. Të punosh për dëshirat është ajo që ti di të bësh më mirë, ndaj shijoje ditën më me fat të vitit dhe suksesin që pason.
Gaforrja
Përdori njohjet e tua në fushat e ndryshme, fto profesionistë të ndryshëm në një mbledhje, lidhu me njerëzit që kanë ndikim. Kjo ditë do të të hapë shtigje të reja, por duhet që patjetër të krijosh një rrjet të gjerë me njerëzit më me ndikim që njeh.
Luani
Sukesi dhe lavdia mund të jenë të tuat! Astrologët sugjerojnë që kjo periudhë të shfrytëzohet më së miri dhe për shenjën tënde, është një periudhë e përsosur për projektet e mëdha në karrierë. Do të marrësh një vendim të rëndësishëm që lidhet me ambicion dhe karrierën tënde.
Virgjëresha
Është koha që të ëndërrosh dhe të shkosh në drejtime të reja, Virgjëreshë. Nëse po mendon të udhëtosh apo të planifikosh një arratisje të ëmbël, mos vono më shumë. Do të argëtohesh dhe do të zbulosh eksperienca të reja.
Peshorja
Beso dhe trego gjëra që për ty kanë një rëndësi të madhe. Kjo ditë merret me marrëdhëniet e tua njerëzore, ndaj duhet të bësh një premtim të madh dhe të rëndësishëm për njerëzit që të rrethojnë. Lidhu më shumë me ta dhe mos i shih me hijen e dyshimit.
Akrepi
Partneriteti do të shkëlqejë gjatë kësaj periudhe. Duke qenë se 18 maji është dita më me fat e vitit, do të jetë mjaft bujare dhe me shumë gjasa, do ta çosh një lidhje të bukur në një nivel të ri shpirtëror. Është një mundësi e artë për karrierën dhe dashurinë.
Shigjetari
Fitoret e vogla në aspektin profesional janë këtu për ty dhe presin që ti t’i marrësh, por edhe të ndihesh krenar/e për veten. Suksesi do të shkëlqejë zonën e produktivitetit dhe karrierës, ndaj është një ditë e shkëlqyer për arritje profesionale dhe më shumë vetëbesim.
Bricjapi
Merr kohën tënde dhe shijo eksperiencat, Bricjap. Ajo që zemra jote dëshiron do të rritet dhe do të marrë jetë, për të të dhënë ndjesitë më të bukura. Bëje romancën prioritetin kryesor dhe kalo më shumë kohë speciale dhe të paharrueshme me personin që ke në krah.
Ujori
Bëhu gati për një fitore të madhe, për më shumë qëndrueshmëri, siguri dhe lumturi. Nëse po mendon të bësh ca ndryshime që lidhen me shtëpinë dhe pasuritë e paluajtshme, fillo të punosh që tani. Rishtazi, nëse po kërkon të shërosh një lidhje të dëmtuar, ofro flamurin e paqes, sepse ka mundësi që të pajtohesh.
Peshqit
Përgatitu që të çlirosh idetë e tua brilante dhe të bëhesh pjesë e projekteve intelektuale, akademike, kontraktuale dhe të përfshihesh në çështje fitimprurëse. Nëse po punon në industrinë e komunikimit, do të dëshmosh më shumë arritje dhe vëmendje nga të tjerët.
