Arrestohet autori i dyshuar i dy grabitjeve në Tiranë

Është arrestuar në Tiranë 21-vjeçari Kristi Çinari, i cili dyshohet se është autori i dy grabitjeve të ndodhura në Tiranë.

Sipas informacioneve, Çinari ishte pajisur me kartë identiteti kosovare, me emrin Blerim Krasniqi i lindur në Prishtinë.

Çinari dyshohet të jetë autori i grabitjes në institucionin financiar ”Kredo.al”, filiali tek zona e ”Brrylit” në Tiranë, ku dyshohet se i riu hyri në institucionin financiar, i maskuar kërcënoi punonjësin dhe vodhi një shumë parash.

Po ashtu, ai dyshohet të jetë autor edhe i grabitjes ndodhur në një farmaci pranë shkollës ”Sami Frashëri” në Tiranë.