Kandidatja për deputete e Partisë Demokratike Albana Vokshi zhvilloi sot takime me pensionistë, që sipas sajë janë ndër më të braktisurit e qeverisë Rama.
Albana Vokshi denoncoi ministren përgjegjëse Ogerta Manastirliu, që sipas saj shkon shtëpi më shtëpi duke tentuar të blejë vota.
Gjatë bashkëbisedimit me pensionisten Violeta Isaia në Njësinë 9, ajo i tha Vokshit se kjo qeveri ia ka rritur vetëm 2 herë pensionin nga 2 mijë lekë, ndërsa qeveria e PD ia dyfishoi.
“Po të mos ishte për fëmijët që i kam jashtë, nuk do të kisha lekë për të ngrënë. Nga 170 mijë lekë pension 70 më shkojnë drita”- tregoi Violeta.
“Ministrja shkon shtëpi më shtëpi duke tentuar të blejë vota. Nuk e ka mendjen të kujdeset për ty e për të tjerët.
Çdo gjë në funksion të karriges së një personi, Edi Ramës, që ne 25 Prill do të largohet.”- tha Albana Vokshi, duke theksuar se kjo qeveri ka dështuar, sepse ka patur prioritet të vjedhë.
Albana Vokshi ftoi pensionistët të votojnë për PD për të parë disa ditë bardha për vete dhe familjet. “Rritja e pensioneve do të jetë sa dyfishi i rritjes së çmimeve dhe asnjëherë më pak se 5% çdo vit.
Do të ulim çmimin për energjinë, duke vendosur fashat mbrojtëse të pagesave.
Në 25 Prill Rama do humbas do iki në shtëpi dhe më pas do të dalë para drejtësisë.
Në 25 prill të gjithë pensionistët e Shqipërisë do ja japin votën qeverise se PD me në krye Lulzim Bashën e cila ka një plan fantastik për pensionistët dhe për të gjithë të rinjtë shqiptarë në mënyrë që fëmijët të kthehen nga emigracioni të vijnë të punojnë në atdhe në punë të mira me rroga të mira dhe të qëndrojnë pranë familjeve të tyre.
Kemi shansin të sjellim ndryshimin e madh për të gjithë shqiptarët, qeveri për pensionistët dhe për të gjithë qytetarët shqiptarë”– u shpreh Vokshi.
