Dy të rinj kanë humbur jetën në një aksident tragjik që ndodhi pasditen e sotme në aksin rrugor Lushnjë-Divjakë, në vendin e quajtur “Ura e Gradishtës”.
Mësohet se ata janë Igli Çuni, 21 vjeç, banues në Korije, Gradishtë dhe Justin Baba, 21 vjeç, banues në Gradishtë.
Dy të rinjtë udhëtonin me motor kur janë përplasur nga një automjet “Benz” që drejtohej nga 51-vjeçari Arsen Sina, banues në Spolat, Lushnjë. Dy të rinjtë kanë gjetur vdekjen menjëherë për shkak të përplasjes së fortë, ndërsa policia ka shoqëruar drejtuesin e automjetit.
