Dy vatrat e zjarrit të aktivizuar tre ditët e fundit në Majën e Rrunës, vijojnë të jenë aktive. Aktualisht zjarri po mbahet nën kontroll për ta izoluar e për të mos e lënë të përhapet në zona të banuara. Shefi i Shërbimit Zjarrfikës i Bashkisë Kukës, Gafurr Rexha nga Mali Rrune bëri të ditur se pjesa më e madhe e vatrës është aktive.
Forcat zjarrfikëse të Bashkisë Kukës, Pyjeve dhe Forcat e Armatosura të Detashmentit Rajonal të Mbrojtjes Kukës, janë duke luftuar me flakët, pavarësisht terrenit të vështirë në këtë zonë për të bërë të mundur uljen e agresivitetit të flakëve pasi për shkak të terrenit të vështirë forcat nuk mundur të ndërhyjnë dot në të gjithë zonën.
Operacioni mes shkëmbinjve i forcave të emergjencave civile po vijon për të mbajtur nën kontroll për të neutralizuar dhe shuar flakët.
