Detaje të reja kanë dalë nga konflikti i armatosur që çoi në një masakër në Velipojë ku humbën jetën katër persona, Kujtim Ferracaku 59 vjeç, pronar i hotel “Fantazia”, vëllezërve Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimi fatkeq Musaen Zenelit 20 vjeç.
Të shtunën rreth orës 14:00 ka pasur një konflikt fillimisht verbal mes dy familjeve pronare të hoteleve në zonën e plazhit në Velipojë dhe që ka përfunduar deri në përplasje fizike mes Kujtim Ferracakut dhe dy vëllezërve Gocaj.
Konflikt për të cilin uniformat blu të Velipojës kanë pasur dijeni por që nuk kanë arritur ta shuajnë. Nën arsyetimin se nuk është kompetencë e tyre ndarja e plazhit.
Për këtë SHÇBA ka nisur hetim rreth reagimit të uniformave blu në parandalimin e konfliktit që pati një bilanc tragjik me katër të vrarë.
Nga ana tjetër nga hetimet e kryera deri tani rezulton se janë përdoru gjashtë armë ndërsa policia ka gjetur vetëm dy pistoleta një në vendin e ngjarjes dhe një tjetër në hotelin Gocaj nga sa mësohet nga kjo e dyta nuk është qëlluar.
Ka qenë ora 00:30 e së dielës kur Kujtim Ferracaku së bashku me vëllain e tij, Hasanin dhe katër nipat ka shkuar tek Hotel Gocaj i cili ndodhet rreth 50 metra nga hoteli i tyre ku kanë nisur edhe konfliktin me armë.
Nga dëshmia e të plagosurit Hasan Verracaku kanë qenë vëllezërit Gocaj që kanë qëlluar të parët dhe se vëllai i tij Kujtimi është vetëmbrojtur.
Në vend ngjarje janë gjetur disa lloje gëzhojash dhe sipas hetimit në këtë përplasje janë përdorur gjashtë arme. Ndër ta edhe armë zjarri kallashnikov.
Velipoja u trondit pak minuta pas mesnatës se djeshme nga një shkëmbim me armë zjarri që u mori jetën katër personave. Viktima mbetën, biznesmeni Kujtim Verracaku (Ferrcaku) 59 vjeç, pronar i hotel “Fantazia”, vëllezërve Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimit fatkeq Musaen Zenelit 20 vjeç, që e kapi një plumb në zemër dhe i mori jetën në vend.
Nga përplasja me armë u plagosën po ashtu edhe Hasan Ferracaku, vëllai i biznesmenit që u vra dhe nipi i tij Elmedin Tyli.
Dy të plagosurit u arrestuan për ngjarjen, ndërsa në kërkim janë shpallur tre vëllezër; Abedin, Shyqyri dhe Besar Verracaku, banues në fshatin Pulaj, të dyshuar si bashkautorë në krim.
