Në kuadër të situatës së krijuar së fundmi mes Turqisë dhe Greqisë, zyrtarët e lartë të Bashkimit Evropian, kreu i Këshillit Evropian, Charles Michel dhe Presidentja e Komisionit Evropian, Ursula von der Leyen këtë të martë kanë udhëtuar drejt Ankarasë.
Mediat e huaja bëjnë me dije se në fokus të kësaj vizite është ulja e tensioneve të krijuara së fundmi dhe për të rivendosur raporte të paqta me Presidentin Erdogan.
Ndër të tjara mësohet se disa nga temat kryesore që pritet të diskutohet mes zyrtarëve të BE-së dhe presidentit turk janë kërkesat e Ankarasë për rritjen e mbështetjes së BE për miliona refugjatë sirianë në Turqi, një azhurnim i bashkimit doganor të Turqisë me BE dhe liberalizimi i rregullave të vizave për udhëtarët turq.
Gjithashtu një tjetër çështje është dhe ajo e diskutimit rreth tensionit për ujërat e Mesdheut dhe raportet me Greqinë e Qipron. Ndërkohë herë pas here BE ka kritikuar Turqinë herë pas here se shkelë të drejtat dhe liritë duke cenuar kështu parimet demokratike. /
