Ambasadorja Amerikane, Yuri Kim, ka reaguar për vdekjen e Gjenaralit të brigadës Ndriçim Sallaku, i cili humbi jetën ditën e sotme për shkak të Covid-19.
Në një postim që ka bërë në rrjetet sociale, Kim thotë se ndihet e trishtuar dhe e tronditur për humbjen e tij, sakaq shton se pati nderin të punonte me komandantin për të forcuar partneritetin SHBA-Shqipëri.
Komandanti i Komandës Mbështetëse, gjeneral brigade, Ndriçim Sallaku, ka humbur jetën ditën e sotme për shkak të Covid-19.
“Jam thellësisht e trishtuar dhe e tronditur për vdekjen e gjeneral Ndriçim Sallakut.
Unë dhe shumë amerikanë të tjerë patëm nderin ta njohim këtë patriot dhe të punojmë me të për të forcuar partneritetin.
Ai iku shumë herët. Ne i shprehim ngushëllimet më të thella familjes së tij. Pushoftë në paqe!”, shkruan Yuri Kim.
