Një hotel dhe kazino në pronësi të Donald Trump, në Atlantic City (SHBA) është shkatërruar, duke i dhënë fund një veprimtarie gati 40-vjeçare në bregun e New Jersey.
Trump Plaza u hap në 1984 dhe dikur ishte një aspekt kryesor i portofolit të pasurive të patundshme të ish-Presidentit amerikan. Kazinoja ishte mbyllur në vitin 2014 dhe ndërtesa që nga ajo kohë është prishur dhe është dashur të shembet, thanë së fundmi zyrtarët e qytetit.
Investitori miliarder Carl Icahn i cili aktualisht zotëron sitin nuk ka njoftuar planet e ardhshme për të, sipas bashkëpunëtorit të CNN WPVI.
Vëzhguesit u dyndën në zonë për të parë goditjen dhe hotelet aty pranë ofruan paketa të veçanta për pamjet kryesore.
Rreth 3,000 kallëpe dinamit u përdorën për të shembur ndërtesën 34-katëshe, njoftoi New York Times. Shkatërrimi zgjati vetëm disa sekonda.
