Rritja e shifrave të infektimeve me Covid 19 në disa qytete ka sjellë edhe rritjen në shkallë vendi.
Në Kavajë shifrat e infektimeve me koronavirus janë shtuar gjatë javë së fundit të Janarit pasi vetëm në tre ditët e fundit numërohet 106 qytetarë pozitivë me Covid 19.
Mes të infektuarve ka punonjës të administratës, mësues dhe mjekë.
Infektimit me Covid19 nuk i ka shëptuar as Drejtoresha e Spitalit të Kavajës, Loredana Kapidani, e cila aktualisht është në gjendje të mirë shëndetësore dhe është vetë karantinuar në banesën e saj.
Të infektuar me koronavirus rezultojnë edhe 5 mjekë të tjerë në tri ditët e fundit.
Kujtojmë që pak ditë më parë pozitiv në test rezultoi edhe Kryetari i Bashkisë së Kavajë Redjan Krali që aktualisht është në vet-karantinim.
Shifrat e javës së fundit në qytetin e Kavajës janë më të lartat për këtë vit, ndërsa numri i qyetarëve aktiv me koronavirus arrin në mbi 240.
